புத்தாண்டு வாழ்த்து

மேலும் படிக்க...

பிளாக்கர் டெம்ப்ளேட் தரவு தளங்கள்

வலையுலகில் பிளாக்கர் முதன்மையான இடத்தைப் பிடித்துள்ளது. உலகெங்கும் வாழும் பல கோடிக்கான மக்களில் எண்ணற்ற மொழிகளில், எண்ணற்ற வகைகளில் பிளாக்கரை பயன்படுத்தி வருகின்றனர். இவர்கள் அனைவருக்குமான எண்ணங்களைக் கருத்தில் கொண்டு பிளாக்கருக்கான டெம்ப்ளேட்டுக்கள் நாள்தோறும் புதிது புதிதாக உருவாகிய வண்ணம் உள்ளன.

இத்தளங்கள் புதிது புதிதாக டெம்ப்ளேட்டுக்களை உருவாக்கி இலவசமாக அளிக்கின்றன. அவற்றில் சில தளங்கள் தரமான டெம்ப்ளேட்டுக்களை விற்றும் பணம் சம்பாதிக்கின்றன. நான் தரவிறக்கம் செய்யும் சில பிரபலமான தளங்களைப் பட்டியலிட்டுள்ளேன்.

இத்தளங்களுக்குச் சென்று உங்களுக்கு விருப்பமான டெம்ப்ளேட்டுக்களை வடிவமைத்துக் கொள்ளுங்கள்.

1. பிளாக்கர் ஸ்டைல்ஸ்


2. பி-டெம்ப்ளேட்ஸ்


3. அவர் பிளாக்கர் டெம்ப்ளேட்ஸ்


4. ஈ-பிளாக் டெம்ப்ளேட்ஸ்


5. பிளாக்க்ரவுட்ஸ்


6. ஃபைனல் சென்ஸ்


7. டீலக்ஸ் டெம்ப்ளேட்


8. தீம்ஃபாரஸ்ட்


9. ஜூம் டெம்ப்ளேட்ஸ்


10. பி-தீம்ஸ்

மேலும் படிக்க...

டெம்ப்ளேட் மாற்றுவது எப்படி ?! - How to Change Blogger Template

பிளாக்குகளை அழகாக்குவது எப்படி என்ற எனது முந்தைய கட்டுரையில் முக்கியமான பத்து விடயங்களைப் பட்டியலிட்டு இருந்தேன். அவை தொடர்பாக எழுந்த பல்வேறு வினாக்களுக்கு சரியான பதிலாக ஒவ்வொன்றையும் தெளிவாக விளக்குவது என்ற முடிவில் டெம்ப்ளேட்டை மட்டும் மாற்றுவது எப்படி என்பதை இங்கே காண்போம். உதாரணமாக ஒரு பிளக்கைக் காண்போம்.

http://mentamildotcom.blogspot.com/

இந்த பிளாக்கின் தோற்றமானது கீழ்க்கண்ட படத்தினைப் போன்று காட்சியளிக்கும். இந்த பிளாக்கின் தோற்றத்தில் உள்ள குறைகள் என்னவெனில் இந்த பிளாக்கிற்கான தலைப்புப் படம் இல்லை. மற்றும் பதிவுகளுக்கென வரயறுக்கப்பட இடமானது மிகவும் குறைவாக உள்ளது. இதில் பயன்படுத்தப்பட்டுள்ள வண்ணங்களும் வருகையாளர்களைக் கவரும் வகையில் இல்லை.



இனி உங்களுக்கு பிடித்த டெம்ப்ளேட்டைத் தேட வேண்டும். முன்னரே கூறியது போல் கூகிளில் சென்று “Download Blogger Template" என இட்டு தேடினால் இலவசமாக டெம்ப்ளேட்டை அளிக்கும் ஏனைய இணைய தளங்கள் கிடைக்கும்.

ஒவ்வொரு தளமும் விதவிதமான வண்ணங்களில், வடிவங்களில், வடிவமைப்புக்களில் வடிவமைக்கப்பட்ட டெம்ப்ளேட்டுக்களைப் பட்டியலிடும். அவற்றில் பிடித்தமானவற்றைத் தேர்ந்தெடுங்கள். உதாரணமாக கீழே கொடுக்கப்பட்ட டெம்ப்ளேட்டில் "Demo" மற்றும் “Download" என இரு பட்டன்களைக் காணலாம்.


இதில் demo வைச் சொடுக்கி பிளாக்கின் மாதிரி வடிவத்தைக் காணலாம்.

இந்த டெம்ப்ளேட் உங்களுக்கு பிடித்துள்ளது எனில் download சொடுக்கி zip வடிவக் கோப்பை தரவிறக்கிக் கொள்ளுங்கள்.



பின் zip ( உ.தா. christmas-new-year-eve-template.zip) வடிவக் கோப்பை கலைந்தால் (extract) உங்களுக்கு .xml extension ( உ.தா. christmas-new-year-eve-template.xml) கொண்ட ஒரு கோப்பு கிடைக்கும்.

இந்த .xml கோப்பில் தான் புது டெம்ப்ளேட்டுக்கான நிரல் அடங்கியுள்ளது என்பதை அறிவீர்கள் என நினைக்கிறேன்.

நமக்குத் தேவையான டெம்ப்ளேட் நிரல் தயாராகி விட்டது. அதனை நமது வலைப்பூவில் எவ்வாறு உள்ளீடு செய்வது என்பதைக் காண்போம். ஒவ்வொரு முறை டெம்ப்ளேட் உள்ளீடு செய்யும் போது ஏற்கனவே உள்ள அமைப்புக்களை சேமித்துக் கொள்வது சிறந்தது. உங்களுக்கு தேவையான, முக்கியமான நிரல் எதுவும் காணாமல் போயிருப்பின் அதை திருப்பிக் கொணர இந்த சேமிப்பு மிக உதவும். ஆகையினால் கீழ்க்கண்ட சுட்டியில் சென்று சேமித்துக் கொள்ளவும்.

பழைய டெம்ப்ளேட்டை சேமித்தல்

1. டேஷ்போர்டுக்குச் செல்லுங்கள்.
2. உங்கள் வலைத்தளத்திலுள்ள Layout க்குச் சென்று Edit HTML ஐ சொடுக்குங்கள்.
3. அங்குள்ள உள்ள Download Full Template ஐ சொடுக்குங்கள்.

4. தொடர்வரும் விண்டோவில் save file தேர்வு செய்து எங்கு சேமிக்க வேண்டும் என தேர்வு செய்துகொள்ளுங்கள். எங்கு சேமிக்க வைக்கப்பட்டுள்ளது என்பதையும் உறுதி செய்து கொள்ளுங்கள். இதன் கோப்பானது template-8450175452115241639.xml என்ற வகையில் ஏராளமான எண்களைக் கொண்டதாய் இருக்கும்.
5. இந்தக் கோப்பின் பெயரை மிக தெரியும் வகையில் சேமித்து வைத்துக் கொள்வது நல்லது. அதாவது mentamiltestblog-dec-28-2009 என்பனவாக இருந்தால் எளிதில் இந்தக் கோப்பை அடையாளம் காண முடியும்.

தற்போது தரவிறக்கம் செய்யப்பட்ட xml ( உ.தா. christmas-new-year-eve-template.xml ) எவ்வாறு உள்ளீடு செய்வது என்பதைக் காண்போம்.

புதிய டெம்ப்ளேட்டை உள்ளீடு செய்தல்

1. டேஷ்போர்டுக்குச் செல்லுங்கள்.
2. உங்கள் வலைத்தளத்திலுள்ள Layout க்குச் சென்று Edit HTML ஐ சொடுக்குங்கள்.
3. அங்குள்ள Backup / Restore Template என்னும் பகுதியில் Browse பட்டனைச் சொடுக்கி சேமிக்கப்பட்ட xml கோப்பை தேர்ந்தெடுங்கள். இங்கு கொடுக்கப்பட்ட உதாரணத்தின் படி christmas-new-year-eve-template.xml.

4. கோப்பைத் தேர்வு செய்த பின் upload பட்டனைச் சொடுக்குங்கள்.

5. நிரலில் ஏற்பட்டுள்ள மாற்றங்களை உறுதி செய்யச்சொல்லி Confirm & Save பட்டன் வருமாயின் அதனையும் சொடுக்குங்கள்.
6. புதிய நிரல் சேமிக்கப்பட்டதை உணர்த்த கீழ்க்கண்ட தகவல் தோன்றும்.

7. தற்போது View Blog சொடுக்கி உங்களின் பக்கத்தைக் காணுங்கள். நீங்கள் முன்பு மாதிரியில் பார்த்த அதே தோற்றம் உங்கள் வலைப்பூவில் தோன்றுவதைக் காணலாம்.

இக்கட்டுரை உங்களுக்கு புரியும்படியும் தெளிவாகவும் இருக்கும் என நினைக்கிறேன். இவைகளை முயன்று பார்த்துவிட்டு அய்யங்கள் இருப்பின் மறக்காமல் மறுமொழியிடுங்கள்.

மேலும் படிக்க...

உங்களின் பிளாக்குகளை அழகாக்குவது எப்படி ?!

தற்போதைய நிலையில் பிளாக்குகள் வைத்திருப்பவர்களின் எண்ணிக்கை அதிகமாகிக் கொண்டே வருகிறது. அரசியல், பொருளாதாரம், தொழில்நுட்பம், கதை, கவிதை, கட்டுரைகள், சினிமா என தனது சொந்த கருத்துக்களை இடும் பயனாளர்களின் எண்ணிக்கை பெருமளவில் வளர்ந்து கொண்டே வந்து கொண்டிருக்கிறது.

பிளாக் எழுத என்று வருபவர்கள் தொழில்நுடபம் சார்ந்தவர்கள் என்று அல்லாமல் எழுத்துப் பணியில் உள்ளவர்கள் பெரும்பாலும் தங்கள் எழுத்துத் திறமையை பிளாக்கில் எழுதி காட்டுகிறார்கள். இவர்களால் எழுதப்படும் கட்டுரைகள், கருத்துக்கள் வியக்கத் தகும் வகையிலும், அரிய கருத்துக்களையும் தாங்கி வந்தாலும் அவர்களின் தொழில்நுட்ப அறியாமையினால் அவர்களது வலைப்பக்கங்கள் மிகச் சாதாரணமாகவும், சரியாக பண்படுத்ததல் இல்லாமலும் காணப்படுகின்றது.

இந்த கட்டுரை எளிய வகையில் தமது பிளாக்குகளை எவ்வாறு அழகாக்கலாம் என்பதை விவரிக்க உள்ளது. பிளாக்குகளை அழகாக்க தேவைப்படுபவைகளை, செயல்முறைகளையும் இங்கே காண்போம்.

1. டெம்ப்ளேட் என்னும் அடைப்பலகைகள்.

ஒவ்வொரு பிளாக்கிற்கும் உள்ள அழகே அதன் டெம்ப்ளேட்டுக்கள் தான். டெம்ப்ளேட்டுக்கள் தான் ஒருவரது பிளாக்கின் முதல் தோற்றத்தை தீர்மானிக்கிறது. அத்துடன் இடப்பட்டுள்ள கட்டுரைகளையும், சுட்டிகளையும் மிக அழகாக அடுக்கி வைப்பதற்கு டெம்ப்ளேட்டுகள் மிக முக்கிய பங்கு வகிக்கின்றன. பிளாக்கர் நிறுவனம் பிளாக் உருவாக்கும் ஒவ்வொருக்கும் என தனது தளத்தில் சில டெம்ப்ளேட்டுகளை அளிக்கிறது. இவை முறையே Minima, Denim, Rounder, Herbert, Harbor, Scribe, Dots, thisaway என்பன உள்ளன. பிளாக் உருவாக்கும் ஒவ்வொருவரும் இவற்றில் எதாவது ஒன்றை தேர்வு செய்து விட்டு எழுத ஆரம்பிக்கின்றனர். ஆனால் இவற்றிலிருந்து முற்றிலும் மாறுபட்ட வேறொரு அழகான டெம்ப்ளேட்டை மாற்றிக் கொள்ளலாம் என்பதை பெரும்பாலோனோர் அறிந்திருப்பதில்லை. அவற்றை எங்கே காண்பது? எவ்வாறு மாற்றுவது என்பதை அறியலாம்.

இணையங்களில் கிடைக்கும் இலவச பிளாக்கர் டெம்ப்ளேட்டுக்களை தேட கூகிள் தளத்திற்குச் சென்று "Free Blogger Template downlod" எனத் தேடினால் எண்ணற்ற தளங்களின் முகவரிகள் கிடைக்கும்.



பிளாக்கர் டெம்ப்ளேட்டுக்களை பட்டியலிடுவதற்கு என்றே பல தளங்கள் செயல்பட்டு வருகின்றன. உதாரணமாக நான் அடிக்கடி சென்று புதிய டெம்ப்ளேட்டுக்களை கவனிக்கும் கீழ்க்கண்ட தளங்களில் சென்றும் காணுங்கள்.

http://www.bloggerstyles.com/
http://btemplates.com/

இத்தளங்களில் பிளாக்கர் டெம்ப்ளேட்டுக்கள் வெவ்வேறு வகைகள் தொகுத்து வைக்கப்பட்டுள்ளன. அதாவது இரண்டு, மூன்று பத்திகளைக் கொண்ட டெம்ப்ளேட்டுக்கள், சிவப்பு, பச்சை, ஊதா நிற டெம்ப்ளேட்டுக்கள், தனிநபர், நிறுவன, நிழற்பட உபயோகமுள்ள டெம்ப்ளேட்டுக்கள் என பல்வேறு வகைகளாக பிரிக்கப்பட்டுள்ளன. அவற்றில் தேவையானவற்றை தேர்வு செய்து உங்களுக்கு மாதிரி(Demo) மற்றும் தரவிறக்கச் சுட்டிகள் கிடைக்கும். தேர்வு செய்யப்பட்ட டெம்ப்ளேட்டின் மாதிரியை பார்த்து கவனித்து உறுதிசெய்து விட்டு அதன் கோப்பை தரவிறக்கம் செய்து கொள்ளுங்கள். கோப்பானது பெரும்பாலும் .xml உடையதாய் இருக்கும்.

புதிதாக டெம்ப்ளேட் மாற்றம் செய்கையில் ஏற்கனவே உள்ள டெம்ப்ளேட்டை சேமித்து வைத்துக் கொள்வது மிக அவசியம். ஆதலால் Download Full Template சுட்டியை சொடுக்கி சேமித்து வைத்துக் கொள்ளுங்கள். தரவிறக்கம் செய்யப்பட்ட கோப்பை நமது பிளாக்கில் எவ்வாறு உள்ளீடு செய்வது எனப் பார்ப்போம். உங்களுடைய பிளாக்கர் டேஷ்போர்டில் Layout >> Edit HTML சென்று Browse பட்டனை சொடுக்கி தரவிறக்கம் செய்யப்பட்ட கோப்பை தேர்வு செய்து Upload பட்டனைச் சொடுக்குங்கள். டெம்ப்ளேட் மாற்றம் செய்யப்பட்டமையால் ஏற்பட்ட மாற்றங்களைச் சரிசெய்ய Confirm & Save ஐ சொடுக்கி ஏற்றுக் கொள்ளுங்கள்.

தற்போது நீங்கள் மாதிரியில் பார்த்தே அதே அழகில் உங்கள் பிளாக் தோற்றமளிப்பதை கவனிப்பீர்கள். தேவையான மாற்றங்களை செய்து மேலும் அழகாக்க முயற்சி செய்யுங்கள்.

2. நேவிகேஷன் பார்.

பிளாக்கர் தளங்களில் காணப்படும் மற்றுமொரு கருவியானது நேவிகேஷன் பார் எனப்படுவது. இதன் மூலம் பிளாக்கரில் உட்புகு செய்வதற்கு மிகவும் எளிதாக இருந்தாலும் இதன் தோற்றம் நமது தளத்தை மற்ற இணைய தளங்களிலிருந்து வேறுபடுத்திக் காட்டக் கூடும். ஆதலினால் இவற்றை நீக்கி விடுவதே சாலச் சிறந்தது. இவற்றை நீக்குவது பற்றிய முறையை முந்தைய பதிவில் காணுங்கள்.



http://www.mentamil.com/2009/10/blog-post_7859.html

3. என்னைப் பற்றி

உங்களது பிளாக்கில் இருக்க வேண்டிய முக்கியமான கேட்ஜட் “என்னைப் பற்றி” (About me) எனப்படுவது. உங்கள் தளங்களில் வாசிக்க வரும் நபர்கள் இத்தளத்தின் ஆசிரியர் யார் என்பதை அறிய ஆவலுடன் இருப்பார்கள். அத்துடன் உங்களைப் பற்றி நீங்கள் எழுதும் வரிகள் உங்களின் பெயரை அவரது நினைவுகளில் நிலைநிறுத்துவதற்கும், மறுபடியும் உங்கள் தளத்தைக் காண வருவதற்கும் ஏதுவாய் அது அமையும். உங்கள் தளத்தின் வலது அல்லது இடது பக்கதில் இந்த கேட்ஜெட்டை வைக்கலாம் அல்லது தளத்தில் மெனு இருப்பின் அவற்றில் ”என்னைப் பற்றி” எனச் சேர்த்துக் கொள்ளலாம். நீங்கள் தொடர் அல்ல்து தொகுப்புகள் வெளியிட்டிருப்பின் அவற்றின் சுட்டியை என்னைப் பற்றி பகுதியில் இணைக்கலாம்.

4. தலைப்புப் படம்

உங்களின் பிளாக்குகளில் தலைப்புப் படம் மிக முக்கியமானதாகும். தரவிறக்கம் செய்யப்பட்ட டெம்ப்ளேட்டுக்களில் உள்ள படங்களை அப்படியே வைத்திருக்காமல் அது எந்த இடத்தில் உள்ளது என்பதை அறிந்து அந்தப் படத்திற்கு பதிலாக உங்களால் வடிவமைக்கப்பட்ட படத்தை இடலாம். டேஷ்போர்டில் உள்ள Layout >> Page element சென்று தலைப்புக்கான படத்தை மாற்றிக் கொள்ளலாம். அவ்வாறு இல்லையெனில் படம் இருக்கும் சுட்டியை Layout >> Edit HTML பக்கம் சென்று Edit Template கட்டத்தில் தேடி தலைப்புப் படம் அமைந்துள்ள சுட்டிக்கு பதில் உங்களால் வடிவமைக்கப்பட்ட படத்தின் சுட்டியை ஏற்றி தலைப்புப் படத்தை மாற்றிக் கொள்ளலாம். இதற்கான விளக்கங்கள் தரவிறக்கம் செய்யப்பட்ட டெம்ப்ளேட்டின் விளக்கப் பகுதியிலும் காணலாம்.

5. அண்மைய பதிவுகள்.


உங்களின் வலைப்பக்கத்தில் அண்மைய பதிவுகள் கேட்ஜட் மிக முக்கியமானதும் வாசகர்களை தளத்தில் உலவ விடும் அரிய கருவியாகும். வெவ்வேறான தேடலில் உங்களின் தளத்திற்கு வருவோர் உங்களால் பதியப்பட்ட மற்ற பதிவுகளையும் காண இந்த் கேட்ஜட் பெரும் உதவு புரிகிறது. அண்மைய அல்லது சமீபத்திய பதிவுகள் என இணைத்துக் கொள்ள Dashboard >> Layout >> Page Element சென்று Add Gadget ஐ சொடுக்கி அதில் Feed எனும் கேட்ஜெட்டைத் தேர்வு செய்யுங்கள். Feed கேட்ஜட்டுக்கான சுட்டியில் http://yourblogname.blogspot.com/feeds/posts/default என்னும் முகவரியை கொடுக்க உங்களால் பதிவிடப்பட்ட பதிவுகளைப் பட்டியலிடும். Save பட்டனை சொடுக்கி இணைத்துக் கொள்ளுங்கள். ( குறிப்பு: கொடுக்கப்பட சுட்டியில் yourblogname என்பதற்கு பதிலாக உங்கள் பிளாக் முகவரியை அளிக்கவும்.

6. அண்மைய மறுமொழிகள்

பிளாக் எழுதும் கலைஞருக்கு, எழுத்தாளனுக்கு கிடைக்கும் வருமானம் என்பது மறுமொழிகளாய் வாசகர்கள் எழுதும் பாராட்டும், விவாதங்கள் தான். ஆதலாலினால் அண்மையில் மறுமொழி எழுதியவற்றை பக்கவாட்டில் வெளியிட மேற்குறிப்பிட்ட "Feed" கேட்ஜட்டை தேர்வு செய்து http://yourblogname.blogspot.com/feeds/comments/default எனும் முகவரியை இடுங்கள்.பின் Save ஐ சொடுக்கி இணைத்துக் கொள்ளுங்கள்.

7. வகைகள் (அ) லேபிள்கள்
நாம் பதிவிடப்படும் ஒவ்வொரு பதிவுகளையும் வகைப்படுத்தி தேவையெனில் வகைக்கேற்றாற்போல் அடுக்கிக் காண்பதில் லேபிள்கள் பெரும்பங்காற்றுகின்றன. நமது பதிவின் வகைக்கேற்ப அவற்றை இடம், பொருள், பெயர் என வகைப்படுத்தி விட வேண்டும். வகைப்படுத்ததிலின் மூலம் நமக்கு அவற்றைப் பட்டியலிட சுட்டிகள் கிடைக்கும். உதாரணமாக கவிதைகள் அனைத்திற்கும் கவிதைகள் என வகைப்படுத்தலின் மூலம் பக்கவாட்டில் ஒரு சுட்டியை இணைத்து அவற்றை கவிதைக்கான சுட்டியையும், மெனுக்களில் கதைகள் என இட்டு அவற்றை கதைகளுக்கான சுட்டியினையும் இணைத்து பிளாக்குகளை பண்படுத்துதல் முடியும். பதிவுகளை படிக்கும் போது லேபிள்களைச் சுட்டி வெவ்வேறு வகைகளை பட்டியலிட்டுப் படிக்க முடியும்.

8.பார்வையாளர்கள் விபரம்

உங்களின் தளத்தினைப் பார்க்கும் பார்வையாளர்களின் விபரங்கள், தினமும் வந்த பார்வையாளர்கள் எண்ணிக்கை, எந்தெந்த நாட்டு வருகையாளர்கள், எத்தனை பக்கங்கள் சொடுக்கப்பட்டது, தற்போதுள்ள பார்வையாளர்கள் எண்ணிக்கை போன்றவற்றை துல்லியமாய் வெளியிட எண்ணற்ற தளங்கள் இலவசமாய் செயல்பட்டு வருகின்றன. அவற்றைப் பயன்படுத்தி தேவையான நிரல்களைப் பெற்று உங்கள் தளத்தின் பக்கவாட்டில் HTML/Java Script கேட்ஜெட் மூலம் இணைத்து உங்களின் பிளாக்குகளை அழகாக்கலாம்.

http://www.neoworx.net/
http://www.histats.com/







9. தோழமைப் பூக்கள்

உங்களின் பிற வலைப்பக்கங்கள், நண்பர்களின் வலைப்பக்கங்கள், பிடித்த வலைப்பக்கங்கள் போன்ற ஒரு பட்டியலை நிறுவலாம். நீங்கள் பட்டியலிடும் நண்பர்களின் வலைப்பக்கஙகளிலும் உங்கள் தள முகவரியை நிறுவிட அறிவுறுத்தலாம். இவை உங்களுக்கு மென்மேலும் வருகைகள் வர உதவியாய் இருக்கும்.

10. ரசிகர்கள் (அ) ஃபாலோவர்கள்

உங்களுக்கான ரசிகர்கள் அல்லது உங்களது ஃபாலோவர்கள் என்கிற வகையில் உங்களின் பதிவுகளைத் தொடரும் நண்பர்களுக்கென இந்த கேட்ஜட் மிகவும் பயனுள்ளது. உங்களின் பதிவுகள் உடனுக்குடன் அவர்களுக்கு இதன் மூலம் தெரியப்படுத்தப்படும். மேலும் உங்களின் ரசிகர்களாக வாசகர்கள் இணைவது என்பது நீங்கள் பெருமைப்படக்கூடிய விஷயமும் கூட.

மேற்கூறியவைகள் அனைத்தும் உங்களின் பிளாக்குகளை அழகாக்க்க மிகவும் உறுதுணையாய் அமையும் என நம்புகிறேன். இவற்றில் ஏற்படும் ஐயங்கள் பற்றி எனது மறுமொழியில் தெரிவியுங்கள்.

மேலும் படிக்க...

NHM Writter - தமிழ் எழுத்தாணி பயன்பாடுகள்

இணையத்திற்கான தமிழ் எழுத்தாணிகளில் ஈ-கலப்பை மென்பொருள் பற்றியும் அதன் பயன்பாடுகள் பற்றியும் இதற்கு முந்தைய பாடத்தில் கற்றிருந்தோம். விண்டோஸ் விஸ்டா இயங்குதளம், குரோம் உலவி போன்றவற்றில் ஈ கலப்பை செயல்படுவதில் சிறிது பிரச்சனை உள்ளததால் தற்போது NHM Writter எனும் மென்பொருள் பெரும்பான்மையான இடங்களில் செயல்பட்டு வருகிறது.

NHM Writter ன் சிறப்பியல்புகள் பற்றியும் அவற்றைப் பயன்படுத்துவது பற்றியும் காண்போம்.

NHM Writter - அறிமுகம்.

NHM என்பது New Horizon Media என்னும் நிறுவனத்தின் பெயர்ச் சுருக்கமாகும். சென்னையில் பதிப்பகத் துறையில் செயல்பட்டு வரும் இந்நிறுவனம் தமிழ் எழுதுபொருளாக இந்த மென்பொருளை நிறுவியுள்ளது. இதன் இணையதளம் http://www.nhm.in என்னும் தளத்தில் இயங்கி வருகிறது.

NHM Writter - சிறப்புக்கள்

* தமிழ் உட்பட அஸ்ஸாமி, பெங்காளி, குஜாராதி, இந்தி, கன்னடம், மலையாளம், மராத்தி, பஞ்சாபி, தெலுங்கு மொழிகளில் எழுதும் மென்பொருளாகவும் திகழ்கிறது.
* கூகிள் குரோம், ஃபயர்பாக்ஸ், சபாரி, இண்டர்நெட் எக்ஸ்புளோரர், ஒபேரா போன்ற அனைத்து உலவிகளிலும் கடிதங்களிலும், உரையாடல்களிலும் எளிதாக செயல்படும் தன்மை உள்ளது.
* பிளாக்கர், வேர்ட்பிரஸ், விண்டோஸ் லைவ் ரைட்டர், அவுட்லுக், மைக்ரோசாப்ட் ஆஃபிஸ் போன்ற மென்பொருள்களிலும் எளிதாக இயங்கும் ஆற்றல் உள்ளதாய் அமைந்துள்ளது.
* விண்டோஸ் எக்ஸ்பி, விஸ்டா போன்ற இயங்குதளங்களிலும் எளிதாக செயல்படுகிறது.
* டைப் ரைட்டர் வகையிலான ஐந்து வகையான தட்டச்சு விசைப்பலகைகளை அளிக்கிறது.
* இதனை உள்ளீடு செய்வது மிக எளிதாக அமைந்துள்ளது.

தரவிறக்கம் செய்வது எப்படி ?

NHM Writter மென்பொருள் இதன் உரிமை நிறுவனமான http://nhm.in என்னும் இணைய தளத்திலேயே கிடைக்கிறது. நேரிடையாக http://software.nhm.in என்னும் தளத்திற்குச் சென்று அல்லது கூகிள் தேடுபொறியில் "Download NHM Writter" என தேடியோ முறையான சுட்டியைப் பெற்று தரவிறக்கம் செய்து கொள்ளலாம்.

1) கூகிள் தேடுபொறியின் மூலம் தரவிறக்கம்


2) nhm.in தளத்தில் தரவிறக்கம் செய்தல்.

i)http://software.nhm.in பக்கத்திற்குச் சென்று, Product Page சுட்டியைச் சொடுக்கவும்.



ii) Download சுட்டியை சொடுக்கி மென்பொருளை தரவிறக்கம் செய்யவும்.


உள்ளீடு செய்வது எப்படி ?

1. NHM Writter ஐ தரவிறக்கம் செய்த பின் NHMWrittersetup1511.exe என்னும் கோப்பு கிடைக்கும். அந்தக் கோப்பை இரண்டு முறை சொடுக்கி இயக்குங்கள்.



2. NHM Writter இன் வரவேற்பு பக்கம் கிடைக்கும். Next ஐ சொடுக்குங்கள்.




3. அடுத்ததாகக் கிடைக்கும் உரிம ஆவணப் பக்கத்தில் ”I accept the agreement" ஐ தேர்வு செய்து Next ஐ சொடுக்குங்கள்.


4. அடுத்ததாகக் கிடைக்கும் மென்பொருள் சேமித்து வைக்க வேண்டிய இடத்துக்கான பக்கத்தில் தேவையெனில் மாற்றம் செய்து விட்டு Next ஐ சொடுக்கவும்.


5. NHM Writter ன் சிறப்பியல்புகளில் கூறியபடி தமிழ் உட்பட பல்வேறு மொழிகள் பயன்படுத்தலாம் என்பதால் நமக்குத் தேவையான தமிழ் மொழியை தேர்வு செய்து Next ஐ சொடுக்கவும்.

6. மென்பொருள் பட்டியல் பெயருக்கான பெயரை தேர்வு செய்து Next ஐ சொடுக்கவும்.


7. கூடுதல் வசதியாக டெஸ்க்டாப் ஐகான், க்விக் லாஞ்ச் ஐகான் தேவையெனில் தேர்வு செய்து Next ஐ சொடுக்கவும்.

8. உள்ளீடு செய்வதற்கான தயார் நிலையில் உள்ளது. Next ஐ சொடுக்குங்கள்.

9. உங்கள் கணிப்பொறியில் மென்பொருள் உள்ளீடு செய்யப்படுகிறது.


10. NHM Writter கணிப்பொறியில் உள்ளீடு செய்யப்பட்ட பின் Start >> Programs >> NHM Writter ல் கீழ்கண்ட படத்திலுள்ளவாறு உள்ளதை பார்த்து உள்ளீடு செய்யப்பட்டுள்ளதை உறுதி செய்து கொள்ளலாம்.




தமிழ் விசைப் பலகைகள்

NHM Writter செயல்படும் விதங்கள் குறித்து அறிவதற்கு முன்பு விசைப்பலகைகள் பற்றிய அறிமுகம் மிகவும் முக்கியம். ஆங்கில் விசைப் பலகைகள் பற்றிய அறிமுகம் நாம் அனைவருக்கும் தெரிந்தே இருக்கும். ஆங்கில் எழுத்துக்கள் A, B, C என்றே அமைந்திருந்தாலும் அவை விசைப்பலகைகளிலும் A,B,C என வரிசைப்படுத்தி வைக்கப்படுவதில்லை, மாறாக அவற்றில் அதிகமாகப் பயன்படுத்தப்படும் எழுத்துக்கள், துணை எழுத்துக்கள், இதர எழுத்துக்கள் என ஒரு வடிவம் அமைக்கப்பட்டு வடிவமைக்கபடுகின்றன. அதுபோலவே தமிழ் விசைப்பலகைகளுக்கென வெவ்வேறான வடிவமைப்புக்களில் விசைப்பலகைகள் வடிவமைக்கப்பட்டுள்ளது. அவை முறையே

தமிழ் பொனடிக் யூனிகோடு
தமிழ் 99 யூனிகோடு
தமிழ் டைப் ரைட்டர் யூனிகோடு
தமிழ் பாமினி யூனிகோடு
தமிழ் இன்ஸ்கிரிப்ட் யூனிகோடு

என பல்வேறு வடிவமைப்புக்களைக் கொண்ட விசைப்பலகைகள் உள்ளது. ஒவ்வொரு அமைப்பிற்கும் ஏற்றாற்போல் நாம் பயன்படுத்தப்படும் விசைகள் வேறுபடப் போகின்றன என்பதை இது காட்டுகிறது.

1. தமிழ் பொனடிக் யூனிகோடு விசைப்பலகை.


ஆங்கில தட்டச்சு தெரிந்தவர்கள் தமிழ் தட்டச்சு தெரியாதவர்களுக்கு இந்த வகை மிகவும் பயனுள்ளதாய் அமையும். இந்த வகையின் மூலம் ”அம்மா” என்பதற்கு அதன் ஆங்கில வார்த்தகளான amma என தட்டச்சு செய்ய வேண்டும். மேலும் குறில், நெடில், துணைக்கால்களுக்கு தமிழுக்கு இணையான ஆங்கில சொற்கள் பயன்படுத்தப்படுகிறது.
உதாரணமாக,

திருக்குறள் நூற்றுமுப்பது அதிகாரங்களைக் கொண்ட ஆயிரத்து முந்நூற்று முப்பது பாடல்களைக் கொண்டுள்ளது.

thirukkuraL wUtRRumuppathu athikaarangaLaik koNda aayiraththu munnURRu muppathu paadalkaLaik koNdullathu.

மேற்கொண்ட சொல்லில் 'ல’ எனும் வார்த்டைக்கு 'l' உபயோகப்படுத்தப் பட்டுள்ளது, ஆனால் ‘ள’ எனும் சொல்லுக்கு 'L' உபயோகப்படுத்தப்பட்டுள்ளது. அதுபோலவே ‘நு’ எனும் சொல்லுக்கு ‘wu' வும் ’நூ’ எனும் சொல்லுக்கு ‘wU’ எனவும் உபயோகப்படுத்தப்பட்டுள்ளது. கீழ்க்கண்ட விசைப்பலகை வடிவமைக்கைக் காணுங்கள், மிக எளிதாக எந்த வார்த்தைக்கு எதை பயன்படுத்துவது என்பது புலப்படும்.


2. தமிழ் 99 யூனிக்கோடு விசைப்பலகை

ஆங்கில தட்டச்சு தெரியாதவர்கள் இந்த வகையினைப் பயன்படுத்தி தமிழ் எளிதாக தட்டச்சு செய்யலாம். தமிழ் எழுத்தின் பயன்பாடுகளுக்கு ஏற்றார்போல் தமிழ் எழுத்துக்கள் வரிசைப்படுத்தப்பட்டு குறைந்தளவு தட்டச்சு மூலம் நிறைவான வார்த்தைகள் தட்டச்சு செய்வதாக இவை அமைந்துள்ளது. இதன் சிறப்பியல்பாக அ, ஆ, இ, ஈ, உ, ஊ, எ, ஏ, ஐ, ஒ, ஓ போன்ற உயிர் எழுத்துக்கள் இடது பக்கத்தில் குவிக்கப்பட்டும், மெய்யழுத்துக்கள் இதன் உயிரெழுத்துக்களுடன் சேர்ந்து தட்டச்சு செய்வதாகவும் இதன் அமைப்பு செயல்படுகிறது. கா, கூ, கே, கோ என்பன போன்ற எழுத்துக்கள் க+ஆ, க+உ, க+எ, க+ஓ போன்றவையாக அனைத்து எழுத்துக்களும் சிறப்பாக எளிதாக தட்டச்சு செய்ய முடிகிறது.

உதாரணமாக கீழ்க்கண்ட படத்தின் படி

H+A - க , J+F ப், h+Q - கா, L+S தி, M+R மை எனவும் கூட்டெழுத்தாக சேர்ந்து வரும்.

3. தமிழ் பழைய டைப் ரைட்டர் விசைப்பலகை

4. தமிழ் பாமினி விசைப்பலகை
5. தமிழ் இன்ஸ்கிரிப்ட் விசைப்பலகை


NHM Writter பயன்படுத்துவது எப்படி ?!

தமிழ் தட்டச்சு விசைப்பலகை வகைகள் பற்றி பார்த்தோம். இனி NHM Writter பயன்படுத்தி தமிழ் எவ்வாறு தட்டச்சு செய்வது என்பதைப் பார்ப்போம். NHM Writter உள்ளீடு செய்யப்பட்ட பின் ஒவ்வொரு முறை கணிப்பொறி இயக்கும் போது விண்டோஸின் டாஸ்க் பாரில் மணி போன்றதொரு ஐகான் இடம்பெற்றிருப்பதைக் காணலாம். ஐகான் இல்லையெனில் Start >> Programs >> NHM Writter >> NHM Writter ஐ சொடுக்க விண்டோஸின் டாஸ்க்பாரில் மணி போன்ற ஐகான் கிடைக்கும்.

ஐகான் சென்று மெளசின் வலது பட்டனைச் சொடுக்க கீழ்க்கண்ட பட்டியல் தோன்றும். மேற்கூறியவாறு உங்களின் வசதிக்கேற்ப தமிழ் பொனடிக் (அ) தமிழ் 99 விசைப்பலகையை தேர்வு செய்து கொள்ளுங்கள்.

தேர்வு செய்யும் விசைப்பலகையைக் கொண்டு மேற்கூறிய செயல்முறைகளுக்கு ஏற்ப தமிழ் தட்டச்சு செய்து கொள்ளலாம். தமிழ் மற்றும் ஆங்கில தட்டச்சுக்களில் ஒவ்வொரு முறை மெளஸ் கொண்டு தேர்வு செய்வதற்குப் பதிலாக குறுவழியாக Alt+1 விசை தமிழ் 99க்காகவும், Alt+2 விசை தமிழ் பொனடிக்காகவும் தேர்வு செய்து கொள்ளலாம். ஆங்கிலம் தமிழ் தட்டச்சு செய்கையில் இந்த முறை எளிதாகவும், விரைவில் தமிழ் தட்டச்சுக்கும், ஆங்கில தட்டச்சுக்கு மாற்றுவதற்கு வசதியாக இருக்கும்.

தமிழ் தட்டச்சு வகையினை தேர்வு செய்யும் பொழுது ஒரு சில எழுத்துக்கள் தெரியவில்லை எனில் விசைப்பலகையை சரிபார்த்துக் கொள்ள விசைப்பலகையை கணிப்பொறியில் கொண்டு வரலாம். மணி போன்ற ஐகானில் இடது பட்டனை தேர்வு செய்து On-Screen Keyboard தேர்வு செய்து சரிபார்த்துக் கொள்ளலாம்.



நீங்கள் தேர்வு செய்யும் விசைப்பலகைகளுக்கு ஏற்ப NHM Writter ஐகான் மஞ்சள் நிறத்தில் காட்சியளிக்கும். அவ்வாறு காட்சியளிக்கும் சமயத்தில் உங்களின் தட்டச்சு தமிழில் தெரியும்.
தமிழ் 99 மற்றும் பொனடிக் வகைகள் மிகப் பிரபலமானவை, அவற்றைப் பயன்படுத்தி தமிழ் தட்டச்சு பழகிக் கொள்ளுங்கள்.

Disable	Enable

மேற்குறிப்பட்ட அனைத்தும் எளிதாக விளக்கப்பட்டுள்ளன என எண்ணுகிறேன். இவை தொடர்பாக சந்தேகங்கள் இருப்பின் இங்கே மறுமொழியிடுங்கள், அல்லது மின்னஞ்சல் அனுப்புங்கள்.

மேலும் படிக்க...